Како невладина и непрофитна организација,  Центарот за поддршка на лица со интелектуална попреченост ПОРАКА – Струмица (ЦПЛИП ПОРАКА - Струмица) има за цел застапување на интересите и правата на лицата со попреченост во интелектуалното функционирање. Своите активности ги реализира како една од локалните организации на Републичкиот Центар за поддршка на лица со интелектуална попреченост, чие седиште се наоѓа во Скопје.

ЦПЛИП ПОРАКА - Струмица е единствена невладина организација во општина Струмица и поширокиот струмички регион која ги обединува лицата со интелектуална попреченост и единствена организација во која функционира вонинституционална форма на заштита на тие лица – Социјален Клуб.

Визијата на ЦПЛИП – ПОРАКА Струмиц е целосна интеграција и социјализација на лицата со интелектуална попреченост во општеството, нивно потполно прифаќање од страна на лицата без попреченост, пристапност до сите можности во заедницата и учество во културниот, образовниот и воопшто социјалниот живот.